﻿
YOH RI KHA ‘AATI N BE’ MËNI BE IEEM
¿Ka’ch’i gi ‘im pëya na ‘ih nawi gi ri ‘aati n be’ mëni be IEEM?

¿Yoh ri kha ‘aati n be’ mëni?

‘e ‘uxti be Plataforma Nacional de Transparencia (PNT) o be Sistema de Acceso a la Información Mexiquense (SAIMEX), ninhiwewi kwén chhori be internet: https://www.plataformadetransparencia.org.mx y https://www.saimex.org.mx
Pex ka ri’e ‘uxti pëkhi, pëphi ri yë ninhihë ne be’ mëni:
1. Sohts’i ní’ xu ‘ixta we’ ran contraseña. Na ‘ih nawi xi’ ‘an sohts’i ní khana xu be xirbawi.
2. Ri khana ‘ini nt’ani ‘ih nawi ri pëya para tá’tu pàhkhë n be’ mëni.

3. ‘ini gin IEEM ki tá’tu pà’k’i n be’ mëni.
4. Yoh tá’ re kha pà’k’i n be’ mëni: PNT, SAIMEX, ne copia, ne copia ni’buch’ëtahë, CD, USB, mu we’ rawi.
5. Nuti xi ri xopikhowi n xirbawi. ¡Gi ri manin yë!

Mu na ‘ih nawi ri pëya n be’ mëni ri xipokhëbi nan correo be transparencia@ieem.org.mx, o na ‘ih nawi ri ‘inkhëbi, o na ‘ih nawi ri we’e nan correo xi gi ri xopikhëbi.

¿Yoh tá’ re kha pà’k’i n be’ mëni?

Na ‘ih nawi tá’tu pàhkhë n be’ mëni pukha mu té ‘ini mapo’o:

- SAIMEX o PNT.
- Tá’ re ximpi n be’ mëni.
- Ka’ch’i gi ri nú.
- Ne copia.
- Ne copia ni’buch’ëtahë.
- Ne disco.
- Mu we’ rawi. 


¿na tuh nawi rú ‘aati n be’ mëni ki rúh té poki be IEEM?
Xa’ yoko, ka’ch’i gi ri’e poki yahkha tá’ re pà’k’i ne copia t’i ni’buch’¨tahë, ne disco, yahkha ki tá’ re xopik’i n be’ mëni pi’ ne xirbawi o yahkha xi’ mu chhori be IEEM xi ki tá’ re hori mura’ kwati.

¿Mhëxi ki tá’ re mahti n IEEM para tá’tu pàhkhë n be’ mëni?
Pex ka ri haabi n xirbawi, ret’ëhë ki tá’tu pàhkhë n be’ mëni pi’ be nenchowi, na xa’ yoko t’i ‘ix ki tá’ re mahti mura’ n ninchowi pero ret’ëhë gi tá’tu ‘inkhë ren kha gi tá’ re mahti mu k’ïna.

¿Nt’ani rú yë xi xa’ to’ khana sohts’i n be’ mëni be xirbawi?
Tá’tu pà’khë n be’ mëni be Unidad de Transparencia para ri khana yë, ri tuxchi o ri mewi n be’ mëni ki té hëhya para ri pënti ní’ xu t’i ‘an hori be xirbawi.
¿Nt’ani ki tá’ re yë yahkha xi’ mu té be’ t’ani be IEEM t’in tuh nawi rú pëya?
Tá’ ho’ siti n xunhyabi pex ka gi tá’tu ‘inkhë be Unidad de Transparencia gi t’in be’ mëni ki ‘an hori xa’ mu chhori pëphi pex ka tá’tu ‘inkhë poht’i ri pënti. 
¿Nt’ani ki tá’ re yë yahkha t’in tuh nawi pe ga’ tu sohshë mura’ kwati?
Tá’ re ‘ink’i poht’i ki ri pënti ‘ixta mu tu sohshë para gi ri nú o na ‘ih nawi gi pëphi gi ri ‘aati n be’ mëni.

¿Nt’ani rú yë xi xa’ tu bahyaki t’in be’ mëni n tu pàhkhë be xirbawi?
Yahkha tu pàhkhë ne be’ mëni xi xa’ tu bahyak’i t’i mu chhori be xirbawi t’i na ‘ih nawi pex ka ri’o nú ka’ch’i pi’ be nenchowi pi’ maani INFOEM o be Unidad de Transparencia t’i mu chhori be IEEM.
Na ‘ih nawi ri pëya pohpu ma’ kha ní’ xirbawi o yoh tu pàhkhë n be’ mëni, ‘im pa be Unidad de Transparencia t’i mu chori be IEEM, ret’ëwi ku’ chhori be Paseo Tollocan, número 944, Planta Baja, Colonia Santa Ana Tlapaltitlán, C.P. 50160, ri penthë ga muxeni pi’ las 09:00 ba gan rinta pi’ las 17:00  para n runexi ba tán pi’ehnexi; o ‘e ximpi n be’ mëni pëkhi 01800 712 43 36 lada sin costo o 01 (722) 275 7300 extensión 3055, al fax 01 (722) 275 7300, extensiones 3055 y 8451, o pi’ correo electrónico transparencia@ieem.org.mx o juan.hernandez@ieem.org.mx.

